Udal Gobernuaren kudeaketa "kaskarra" dela salatu du Elgoibarko EH Bilduk, eta horren aurrean, Udal Gobernuaren kudeaketa "zuzena" defendatu du Elgoibarko EAJk. Bide batez, domekan bozkatzera joateko deia egin diete jeltzaleek herritarrei.
Mertxe Aizpurua Espainiako Kongresuko EHBilduko diputatua eta Ander Rodriguez Legebiltzarrerako Gipuzkoako hautagaia izan dira Elgoibarren gaur arratsaldean, Eusko Legebiltzarrerako hauteskunde kanpainaren barruan.
Elgoibarko EH Bildu kezkatuta dago Udalak oraindik ez dituelako hasi Pedro Mugurutza etorbidearen izena aldatzeko tramiteak, eta horren aldeko mozioa aurkeztu zuen eguazteneko osoko bilkuran. Udalbatzarrak ez zuen onartu mozioa: EHBilduren aldeko sei boto eta EAJen kontrako 9 jaso zituen mozioak. Elkarrekin Podemos abstenitu egin zen.