Elgoibarko EAJ-k antolatuta, Aitor Esteban Bravo Espainiako Diputatuen Kongresuko EAJ-ren bozeramailea etorriko da Elgoibarrera, astelehenean, urtarrilaren 23an. Elkarrizketa edo solasaldi formatuan antolatu dute ekitaldia, eta herritarrek galderak egiteko aukera izango dute.
Elgoibarko Udal-talde sozialistaren ustez, “oso albiste ona” da Gipuzkoako Foru Aldundiko Kontseiluak Elgoibarren, Pilar ikastetxea egon zen orubean, gizarte-zerbitzuen ekipamendu bat, adinekoentzako egoitza eta 40 plazako eguneko zentroa eraikitzeko lizitazioa onartu izana.
Abenduaren 15ean irekiko dituzte herritarrek Debabarrena eskualdearen erronkak, premiak eta aukerak identifikatzen parte hartu ahal izateko kanalak, eta hilabete batez egongo dira zabalik. Kaleko elkarrizketei ere ekin diete, jendearen iritzia ezagutzeko.