Epaiketa politikoen kontrako aldarria Elgoibarko kaleetara eraman nahi du Libre Elgoibar taldeak. Era berean, eskubide zibil eta politikoen defentsa beharrezkoa dela nabarmendu du. Hori dela eta, asteburuan laranjaz janzteko deia egin dute. 13:30ean kontzentrazioa egingo dute Eskubide zibil eta politikoen defentsan, Zinku eta besteak libre lelopean.
Joseba Zinkunegi 2008ko otsailaren 11n atxilotu zuten, ezker abertzalearen egitura politikoa desegiteko Segurako sarekadatik lau hilabetera. 2010eko otsailean irten zen kalera, politikan jarduteko debekuarekin.
Epaiketa 2015eko urtarrilean zen egitekoa, baina atzeratu egin zen, defentsako abokatuak atxilotu egin baitzituzten epaiketa hastear zenean. Hala, joan den urtarrilaren 24an ere egin zuten Libre Eguna Elgoibarren.
•Egitaraua
- 11:00 Karakate Laranjaz janztera, korrikalari eta ikusle.
- 13:00 Askegunea plazan: material salmenta eta atxikimendu bilketa.
- 13:30 Kontzentrazioa Plazan: Eskubide zibil eta politikoen defentsan, Zinku eta besteak libre
- 14:00 Argazkia.
