Gipuzkoako txapelketako partidak jokatuko dituzte, eskuz binaka kadeteak eta gomazko paletan nagusien hiru bikotek: 1. 2. eta 3. mailetan. Lehen partida, eskuzkoa, 19:00etan hasiko da. Markagailu elektroniko berria erabili ahal izango dute partida horietan. Hainbat urtean erabili duten egurrezkoa ordezkatu baitu Udal Kirol Patronatuak. Abuztuaren 23an estreinatu zuten markagailua, profesionalen arteko partiduetan.
• Pilota Eskiola, urrian
Lagunak eskolako arduradunek aurreratu dutenez, pilota eskola urriaren 1ean hasiko da, eta parte hartzera animatu dituzte zortzi urte edo gehiagoko neska-mutilak. Interesa dutenek honako telefono zenbakira deitu behar dute: 690 612 927 (Aitor).
