Elgoibarren 16:45erako jarri dute mozorroen bilgunerako hitzordua. Gero, 17:00etan, umeentzako ikuskizuna egongo da Kalegoen plazan (euria eginez gero, Maalako parkean). Kantu Kolore haur berbena taldekoek 'Honolulu' ikuskizuna emango dute. Ondoren, Mauxitxa txaranga ibiliko da kalean, 18:15ean hasita, erraldoi, buruhandi eta zezenzikletekin batera. Jubilatuen Biltokiraino ere ailegatuko da festa, 18:00etan egingo baitute mozorro lehiaketa eta Eguren orkestrarekin dantzaldia. Elgoibarko Herri Eskolan ere gaur arratsaldean egingo dute inauterietako jaialdia, 14:30etik aurrera, ikastetxeko jolaslekuan.
Mendaron ere, musika eta animazio ikuskizuna antolatu dute gaurko. 17:00etan hasiko da Goñati pilotalekuan.
∞Lotura duten albisteak:
- Denetariko mozorroak Elgoibarko kaleetan (2020-02-22)
- Jai-giro handia izan da Mendaron inauterietako zapatuan (2020-02-22)
- Elgoibar Ikastolakoek irudikatu duten Euskal Inauteriekin hasi da mozorro festa (2020-02-21)
- Egitarau zabala Elgoibarko eta Mendaroko inauterietan (2020-02-19)