Ospas inguruan kirol-gunea eraikitzeko bi aukera aurkeztu zituen atzo Mendaroko Udalak. I-ingeneria, ingeniería y arquitectura S.A. enpresak egin du bideragarritasun-azterlana. Bi aukeretan lehenegoa hobetsi dute ingeniariek, 5.799.015,12 euroko aurrekontua duena.
Debabarrena Eskualdeko Mankomunitateak eraikuntzan zein eraispenetan sortzen diren hondakinen kudeaketa kontratatzeko prozesua abiarazi du. 60.000 euroko aurrekontuarekin aterako da lizitaziora kontratua. 2022an, mota horretako 1.102 tona hondakin batu zituzten eskualdeko garbiguneetan.
Altzola auzoko bainuetxeko zumardian ibai ertzean zegoen petrila ia osorik eraman zuen urak 2021eko abenduaren hasierako ufaletan, eta geratu ziren zatiak uraren indarrak kaltetu ditu.