Igor Arriola Nicolas elgoibartarrak eskuratu du IMHko ikasle ohi aipagarriaren saria, 14. IMH Sarietan. Alcorta Forging Group enpresako bezeroen harremanetarako kudeatzailea da. IMHren arabera, “Lanbide Heziketatik abiatu eta ibilbide profesional eredugarria egin duela aitortu nahi dugu, lan munduan egindako progresio txalogarriagatik”.
Barixaku honetako Oin Alai egitasmoan beste edozein egunetan baino jende gehiagok parte hartu du. Izan ere, Oin Alai festa berezia izan da goiz honetan Elgoibarko kaleetan. Herri Eskolako eta Ikastolako neska-mutilak animatzaile paregabez lagunduta joan dira ikastetxeetara: buruhandien eta Atxutxiamaikako monitoreen ondoan.
Urteroko moduan, Oin Alai egitasmoaren jaia antolatu du Udalak Herri Eskolarekin eta Elgoibar Ikastolarekin batera. Aurten ere ospakizun berezia izango dela aurreratu dute.
Elgoibarko Udalak 3.500 euro emango dizkio IMHri Goazen proiektuaren jarduera finantzatzen laguntzeko. Horrez gain, ikastetxeak 2.500 euro ere jasoko ditu Lantokietan euskarazko praktikak sustatzeko.
Herri eskolako, Institutuko eta Ikastolako 40 ikaslek ordezkari lanak egin dituzte gaur (maiatzak 19), eta udaletxera jo dute, ingurumenari buruz ikasturtean zehar egindako lanaren berri alkateari ematera eta, bide batez, proposamen batzuk egitera. Ane Beitia alkateak harrera egin die ikasleei.