Lanbide Heziketako EuskoSkills 2016 olinpiadak jokatzen dihardute asteon Araba, Bizkaia eta Gipuzkoako hainbat ikastetxetan. Barixakuan, abenduaren 2an, Elgoibarko Meka eta IMH ikastetxeetan jokatuko dira proba horietako gehienak. Era berean, IMHko ikasle ohi Jon Lapeirak, Gotebörg-en (Suedia) jokatuko diren EuroSkills 2016 proban hartuko du parte.
Bilboko Euskararen Etxeak antolatuta, Komiki Digitalen Lehiaketa egin dute aurten, laugarrengoz. Euskal Herriko ia 4.000 ikaslek hartu dute parte, eta bigarren saria eskuratu dute Gorka Mugerza Garcia eta Markel Sanchez Fernandez De Jauregi ikasle elgoibartarrek, LH 5. eta 6. mailakoen artean.
Elgoibarko Udalak bi robotika tailer antolatu ditu, industria sektorea bultzatzen jarraitzeko helburuarekin. Iaz hasitako bidetik, Robotika Dibertigarria izeneko tailerra da bata; eta, berrikuntza moduan, hamalau urtetik gorako gazteentzat pentsatutako bigarren tailer berri bat ere antolatu dute, Robotika Digital Open Lab izenekoa. Irailaren 23ra arte egongo da zabalik izena emateko epea.
Elgoibar Ikastolan eta Elgoibarko Herri Eskolan gaur hasi dute ikasturte berria ikasleek eta Oin Alai egitasmoak ere martxan jarraituko du ikasleak goizetan ikastetxeetara elkarrekin joateko. Gaur, lehen eguna izanik, trikiti doinuekin girotuta egin dute eskolako bidea.