IMH Sarien 17. edizioan sarituak izan diren lagunak jakinarazi zituzten atzo arratsaldean IMHn egin zuten ekitaldian. Aurten bi laguni eman diote ikasle ohi aipagarrienaren saria, Gorka Mir elgoibartarrari eta Alex Sanjuan azpetiarrari. Sari gehiago ere banatu zituzten.
Oin Alai Festa egin dute gaur goizean Oin Alairen bederatzigarren ikasturteari amaiera emateko. Eskola umeek dantzan egin dute gaur eskolarako bidea. (argazkiak eta bideoa dauzka)
Oin Alairen bederatzigarren ikasturteari amaiera emateko berezia izango da ikasleek barixakuan egingo duten eskolarako bidea. Atxutxiamaika aisialdi taldeak girotuko du Oin Alai Festa.
Karlsruhe (Alemania) hiriko 19 ikasle Elgoibarren egongo dira aste honetan, Elgoibarko BHI Institutuak duen elkartruke programaren barruan. Atzo ailegatu ziren eta herria hobeto ezagutzeko -eta gaztelera praktikatzeko-, kalean topatzen zituzten herritarrei galderak egiten ibili dira. Esku pilotan ere jokatu dute Kalegoen plazako frontoian.
Udaletik jakinarazi dutenez, bertan behera laga dute barixakuan, maiatzaren 31n, egin behar zuten Oin Alai ekimeneko saio berezia.