Melillako harresia zeharkatzen saiatu ziren 2.000 etorkin baino gehiago, joan den barikuan, eta gertakari horren ardura mafiei leporatu zien Pedro Sanchez Espainiako presidenteak. Gutxienez 37 lagun hil ziren ezbehar horretan, Caminando Fronteras GKE gobernuz kanpoko erakundearen arabera —23, Marokoko agintarien arabera—.
Etorkinen eta migratzaileen defentsarako Ongi Etorri Errefuxiatuak plataforma sozialak, pertsonek eta erakundeek osatuta, "EZ" hitza aukeratu du herritarren haserrea bateratzeko. "Ez erailketei Melillako mugan. Ez Espainiako Gobernuko presidenteak Marokoko jendarmeriaren alde egindako gezur edo aitzakiei», aldarrikatu dute.
