Zein da Elgoibarren kirolak duen dimentsioa eta eragina? Zergatik da garrantzitsua kirola euskaraz egitea? Zer ematen dio kirolak Elgoibarren ongizateari eta herrigintzari oro har?. Galdera horiei eta antzeko beste batzuei erantzun diete gaur Elgoibarren 'Euskara ala ezkara kirolean?' jardunaldira batu direnek. Kirola eta herrigintza hitzetik hortzera erabili dituzte hizlariek eta Elgoibarko euskararen ezagutza eta erabilera datuak ere aletu dituzte, bai orokorrak, bai eta kirol eremukoak ere. Ekitaldia, kirolean, sarri itzalean, lan handia egin duten sei emakume omentzeko ere baliatu dute antolatzaileek.
Irailaren 26an itzuliko da Egunean Behin, "sorpresa parearekin". Hala jakinarazi du CodeSyntax enpresak berak, sare sozialetan. Gogoratu Elgoibarko Izarra Euskaltzaleon Topaguneak taldea sortua duela 'Egunean Behin' aplikazioan aritzeko.
Irailaren 3rako antolatu dute 'Euskara ala Ezkara' jardunaldia, eta interesatuek uztailaren 15erako eman beharko dute izena. Aurtengoan kirola izango dute hizpide, eta hiru osagai batuko dituzte: Kirola, euskara eta Elgoibar.
Gero eta gutxiago falta da Euskaraldiaren hirugarren edizioak Euskal Herria belarriprest eta ahobiziekin betetzeko. Azaroaren 18tik abenduaren 2ra egingo da hizkuntza ohiturak astindu eta euskararen erabilera handitzea xede duen ariketa soziala, eta oraingoan abestia aurkeztu dute. Bideoa dauka.