Euskararen erabilera sustatzeko ahaleginetan ari dira Mendaron eta euskal hiztunengan eragiteko ekintza ezberdinak antolatu dituzte Arno Guraso Elkarteak, UEMAk, eta Udalak elkarlanean. Besteak beste, herriko hiru kuadrillatan ‘Eusle’ egitasmoa jarri dute martxan, hizkuntza-ohituretan eragiteko, eta Mintzapraktika egitasmoa martxan jartzeko deialdia ere egin dute. Horri lotuta, euskararen kale erabileraren emaitzak ere zabaldu dituzte: Euskararen ezagutza %70 ingurukoa da, eta erabilera, %43,9koa.