Uema Udalerri Euskaldunen Mankomunitateak batzar nagusia egingo du larunbatean, Larrabetzun, eta bertan, Mendaroko Udalak Mendaro UEMAko kide izateko egindako eskaera onartuko dute. Mendaroko Udala kezkatuta dago azken urteotan euskararen ezagutzak eta erabilerak behera egin duelako, eta joera hori irauli nahi du UEMAn sartuta.
Tipi Tapa, Korrika! ikuskizunaren bi saio eskaini zituzten Pirritx, Porrotx eta Marimototsek, atzo, Elgoibarko Herriko Antzokian.
Elgoibarko alkate Ane Beitiak jaso zuen Euskararen Kalitatearen Urrezko Bikain ziurtagiria Donostiako Kursaal jauregian egin zuten ekitaldian, joan den astelehenean. Elgoibarko IK4 Ideko kooperatiba elkarteak ere jaso zuen ekitaldi horretan Zilarrezko Bikain ziurtagiria.
Elgoibarko Euskarak 365 Egun taldeak Jalgi hadi plazara! bideoa jarri du ikusgai sarean. Bideoak zortzi minutuko iraupena dauka, eta bertan, besteak beste, abenduaren 2an izan ziren giza kateko eta Plazera plazara! jaialdiko irudiak jasotzen dira.
Danobat enpresak, beste urte batez, Euskararen Nazioarteko egunarekin bat egin du eta hori erakusteko langileen arteko argazki bat atera du. Aldi berean, Hakobaosatzen duten erakundeek Euskararen Nazioarteko Egunerako elkarrekin adostu duten adierazpen instituzionalarekin bat egin du, era horretan euskararen sustapenarekin duen atxikimendua sendotuz.
Elgoibarko Euskarak 365 Egun Taldeak antolatutako Jalgi hadi plazara! ekimenak lortu du, aurtengoan ere, herriko kale eta plazak euskaltzalez betetzea. Ehunka elgoibartar euskararen katera lotu ziren lehenik, Kalegoen plaza eta Maalako parkea batu zituen giza katean. Plazera plazera jaialdian, berriz, 15 elkarte-erakundeetako makina bat lagunek era guztietako ikuskizunak eskaini zituzten Maalan.