Kontsumoa bultzatu eta herriko merkataritza sustatzeko bono kanpaina jarri du martxan Txankakua merkatarien elkarteak, aurten ere. 40 euroko bonoa erosita, 50 euroko erosketa egin ahal izango da hil amaierara bitartean.
Txankakuaren bonoa 25 euroko bi zatitan banatuta egongo da; hortaz, gutxienez 25 euroko erosketa egin behar da. Nahi izanez gero, 50 euroko bi bono elkartzeko aukera ere badago, eta horrela 100 euroko erosketa egin. Mila bono atera dituzte guztira. Interesatuek Rural Kutxan erosi ditzakete bonoak, azaroaren 30era arte.
