LH5 eta LH6ko neska-mutilei zuzenduta dago jaia, doan izango da, eta 17:00etan hasi eta 19:00etan bukatuko da. Tarte horretan tailer ezberdinak egingo dituzte haurrek. Udaletik parte hartzera deitu dituzte adin tarte horretako haurrak. Bide batez, ludoteka bezalako espazioek duten garrantzia ere azpimarratu dute: “Elgoibarko Ludoteka gaztetxoentzako elkargunea da. Hezkuntza espazio honen helburua da, jolas-jardueren bidez, herriko neska-mutilak elkar ezagutzea, eta une atseginak pasatzea. Beti ere, begirale baten zaintzapean”.
Arratsaldean euria egingo balu, Maalako aterpera aldatuko dute lekuz jaia. Udaletik jakinarazi dute COVID-19aren prebentziorako ezarritako neurriak errespetatuko dituztela.