Osasun Sailak momentu honetan ezarrita dituen neurriak kontutan izanik, kirola bakarka edo familian bakarrik egin daiteke, beraz, neurri hauek indarrean jarraitzen duten bitartean, familiek Mintxetako futbol zelaia futbolean jolasteko erabili ahal izango dute, erabat doan.
Instalazioa irekita dagoen ordutegian, familia bakoitzak futbol zelaian dauden zortzi ateetako bat erabili ahal izango du. Horretarako baimena eskatu beharko diote harrerako langileari. Harmaila azpian kokatuta dagoen Muskulazio gelan aurkituko dute langilea. Erabiltzaile guztiei jolasteko aukera eskaintzeko asmoz, familia bakoitzak, gehienez, ordu bateko erabilera egin ahal izango du.
