Ahotsak.com

barren.eus-logoa

Tokikom

 

 
 

2015 10 14 kantu jolasak ahotsak IDon Don Kikilikon, Dona Dona Katona, Arriola Marriola, Kukurruku, Katarramixon… kantu-jolas ezagunak dira adinean aurrera doazenenentzat, eta, aldiz, ezezagunagoak gazteen artean. Elgoibarko Ahotsak proiektuari esker, baina, Elgoibar Ikastolako eta Elgoibarko Herri Eskolako ikasleenganaino ailegatu dira euren guraso eta aiton-amonek jolaserako erabili ohi zituzten kantu-jolasok. Ikasi eta abestu dituzte eta baita sarean jarri ere kantu-jolasekin egin dituzten grabazioak. (bideoak dauzka)

2015 09 10 ahotsak laiaketan 1941Laia nekazaritzan mekanizazioa baino lehen lurra iraultzeko erabiltzen zen tresna da. Lan nekeza zen eta esku asko behar izaten ziren lurra biratu eta hurrengo uztarako prest lagatzeko. Josefa Gabilondo Agirregomezkorta (Elgoibar, 1920) makina bat bider ibili zen laiaketan neska koxkorra zen sasoian. (bideoa dauka)

2015 07 28 erromeriaidotorben 1956 06 29Erromeriak euskaldunen ohiko festa modua ziren lehen eta gazte zein helduak elkartzeko guneak ziren. Elgoibarko leku eta auzo askotan egiten zituzten lehen erromeriak: Kurutzetan, Aiastian, Idotorben, Kamiñerokua frontoian, Maltzagan, Usatotorre baserrian... Erromeria horien eta sasoi bateko Elgoibarko jai-giroaren inguruko makina bat pasarte dituzte jasoak ahotsak.com atarian.

2015 06 30 ahotsak esnezalea astizGaur egun denda eta supermerkatuetan erosten dugu esnea, baina orain ez asko baserritarrek eurek banatzen zuten esnea etxez etxe. Pedro Arrillaga Garate 12 urterekin esnea saltzera joaten zen Eibarrera. Han txakur handi bat (pezetaren 10 zentimo) gehiago ordaintzen zuten azunbreko Elgoibarren baino. Bezero asko zituela dio Pedrok ahotsak.com egitasmoan jasota duten pasadizoan. (bideoak dauzka)

2015 05 29 ahotsaksallobenteidigurdiaguregipuzkoaAuzolana lankidetzaren sinonimotzat erabiltzen da gaur egun, baina berebiziko garrantzia izan du euskal kulturan. Gure arbasoek emandako ondare honi esker bizirik iraun dugu herri moduan. Elgoibarren ere oso sustraituta egon da auzolana, alegia, auzotar, herritar, lagun eta bizikideen artean lankidetzan zereginak egiteko sistema. Gai honen inguruko lekukotasun ugari daude jasota ahotsak.com-en. (bideoak dauzka)

2015 04 28 ahotsakgernikakobonbardeaketahegazkina1937ko apirilaren 26an –joan den domekan bete ziren 78 urte- Gernika-Lumoko hiribildua bonbardatu zuen Francoren aliatua zen Alemaniako Condor legioak. Ehundaka herritar hil eta zauritu ziren arratsaldeko laurak aldera hasi ziren erasoetan. Une latz haiek bizi izan zituztenen makina bat lekukotasun jasoak dituzte ahotsak.com egitasmoan. Horien artean daude, besteak beste, Felix Etxeberria eta Miren Vallejo elgoibartarren lekukotasunak. (bideoak dauzka)

2015 01 29 ahotsakmaltzagarakobideaAgustin Gurrutxagaren (Elgoibar, 1917) esanetan, duela 80 urte dozena bat kotxe zeuden Elgoibarren, asko jota. Idiekin eta zaldiekin garraiatzen zuten gerra aurretik jeneroa. Markinara dilijentziaz zihoazen garraiolariak Aiastiako Bentan geratzen ziren, zerbait jateko edo atseden hartzera. Garraiolari horiek tentu handiz ibili behar izaten zuten bidelapurrekin. Agustinek pistolarekin bidera irteten zirela entzuna du. Honela kontatzen du berak ahotsak.eus-ekoek jasotako grabazioan. (bideoa dauka)

muruamendiaraz.com

Muruamendiaraz

Sanbartolomeak2019

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza

 

RSS harpidetza