Asteazkena, urriak 8

18:00

Gaztelekua: ate irekiak

19:00

Zinea: Ombuaren itzala

Espainia 2025 / 115 min. / Patxi Bisquert  Pello Mari Otaño poeta eta bertsolariak Argentinara ihes egin zuen lehen aldiz, taldeka deitua izan ez zedin. 33 urterekin gaixotu zenean, Gipuzkoara itzuli zen. Madalen Alberdi ezagutzen du, berarekin ezkontzen da eta etxe bat osatzen du Donostian. Hainbat literatur lehiaketatan parte hartzen du, eta bere poesia-konposizioengatik nabarmentzen da. Familia eta izaera politiko, liberal errepublikar eta foruzalea mantendu ezinik, Argentinara itzuli zen azken aldiz, emaztearekin eta hiru seme-alabarekin batera. Ongarri zineklubak eta Udaleko Euskara Sailak antolatuta. Patxi Bisquert zuzendaria bera ere egongo da filma aurkezten. 

19:00

Literatura tailera: Ethan Frome

Edith Whartonen Etham Forme liburuaz arituko dira, Epeletan literatura tailerrean.  Landa eremuko herrixka batean gertatzen da istorioa, idazleak asmatutako Starkfield herrian, hain zuzen ere (Massachusetts). Maitasun istorio ezinezko bat kontatzen du, Ethan Frome gaztearen eta hura baino zenbait urte zaharragoa den Zeena gaixobera eta mesfidatiaren arteko ezkon bizitza ilauna abiapuntu hartuta. Senar-emazteek ez dute seme-alabarik eta Mattie Silver, Zeenaren lehengusina gaztea, etxean hartzen dute neskame, umezurtza baita. Hemen kontatzen den triangelua, beste norbaiten eskutan, erraz izan zitekeen melodrama bat edo maitasun istorio eskas bat. Whartonek, aldiz, balio literario handiko obra osatu zuen: atmosfera iradokitzaileak eta gozoak sortzen ditu hizkuntza zehatza eta zenbaitetan poesiatik hurbilekoa baliatuz, eta pertsonaiak, itxuraz soilak badira ere, nortasun handiz hornitzen ditu, introspekzio psikologiko nabarmenaz.