barren.eus

barren.eus-logoa

Tokikom

 

 
 

2016 03 05 gorpuzkinak2cAranzadi Zientzia Elkarteak pertsona baten gorpuzkinak atera ditu gaur, Zelaietaburun (Etxebarria), Elgoibarko lurretatik metro gutxitara. Eguraldi petrala izan arren, Aranzadik goiz osoa jardun du lanean hobia ateratzen. Agertutako hezur zatiak nahiko deseginda zeuden. Hezurren ondoan bala ugari ere agertu dira. Lekukotzen ondoan beste bi pertsonen gorpuzkinak egon daitezke baina gaurko eguraldi hotz eta hezearen ondorioz, beste egun batean jarraitu beharko dute lanek.

Ahaztuen Oroimena 1936 elkarteak joan den hilabetean Zelaietaburun bertan ordezko hortz batzuk eta bala zorroak aurkitu ondoren, gerrako hobi bat egon zitekeela pentsatu zuten eta ingurua garbitzeari ekin zion, Aranzadik gaur gorpuzkinak atera zitzan.

Zantzu guztien arabera, gerra sasoiko gudari edo miliziano baten gorpuzkinak dira. Izan ere, 1937ko apirilean borrokaldi gogorrak izan ziren Urkaregi inguru hartan. Fusiltatutako eta hilobiratutako pertsonen lekukotasunak jaso dituzte 36ko Gerrako eta Frankismo garaiko hilketak argitzeko lanean ari diren taldeek.

Pako Etxeberria forentsea izan da gaurko lan taldearen buru. Ateratako gorpuzkinak laborategian aztertu beharko dituzte orain, eta hainbat froga egin beharko dituzte gorpuak norenak diren edota zelan hil ziren argitzeko.

 

  • Hainbat lekukotza

Ahaztuen Oroimena 1936 elkarteak azaldu du zenbait lekukotzaren arrastoari jarraitu behar izan ziotela hilobia aurkitzeko. "Ez da erraza izan beraientzat ere. Urte asko igarotzean, transmisioan desgasteak ekarri ditu, eta nola ez, pasarte haiek berriz gaur egunera ekartzeak memoria haiek karga emozionalez nahasten ditu, adinarekin batera beraiengan eraginez", jakinarazi du elkarteak.

Urtarrilean, Zelaietaburuko gainean, borrokalari antifrankisten kokapenetako bat berreskuratu zuen elkarteak eta garbiketa lanetan hortz orde bat aurkitutakoan jarri ziren harremanetan Aranzadi Zientzia Elkartearekin.

Ahaztuen Oroimena 1936 elkartearen arabera, "Molak 1937k martxoaren azkenetan Bizkaiari errenditu zedin ohartarazi arren, gudari eta milizianoek borrokatzea erabaki zuten, eta 1937ko apirilaren 19-24 tarteko egunetan azken ofentsiba burutu zuten. Borrokaldi hartan, Euskitze inguruetatik zehar, Garron gora, Kortatxiki inguruetara arte, Zelaietaburu ondora arte sartzea lortu zuten milizianoek, baina faxistek harrapatu eta haietako hiru unean bertan harkaitzetan fusilatu zituztelakoan gaude. Lubakiaren zuloa aprobetxatuz han hobiratu zituztela uste da".

"Eta honen berri jaso ahal izan dugu Jose Mari San Martin eta Maria Pilar San Martin, Soarte baserrian jaiotakoak, haurrak zirela bizitakoa beraien memorian jaso eta eskainitako testigantzen bidez", argitu du .

Hainbat herritar hurreratu da Zelaietaburura eta baita udal eta erakundeetako ordezkariak ere, besteak beste, Luis Ortiz Alfau Izquierda Milicianako miliziano ohia, Elgoibar 1936 elkarteko kideak, Ahaztuen Oroimena 1936 elkarteko kideak, Jesus Iriondo Etxebarriako alkatea eta beste hainbat zinegotzi, Josu Erkoreka Eusko Jaurlaritzako bozeramailea eta Herri Administrazio eta Justiziako sailburua, Monika Hernando Biktimen eta Giza Eskubideen zuzendaria eta Julen Arzuaga EH Bilduko parlamentaria. Horiez gain, Arnaldo Otegi ere han izan da hildakoari egin dioten omenaldi txikian.

2016 03 05 gorpuzkinak2

2016 03 05 gorpuzkinak etxeberria2b

 

2016 03 05 gorpuzkinak otegi erkoreka

2016 03 05 gorpuzkinak lorak ahaztuenoroimena

2016 03 05 gorpuzkinak balak2a

2016 03 05 gorpuzkinak etxeberria2

 

2016 03 04 aztarnak mapa

 

2016 03 04 aztarnak mapa2

 

Komunitatea

santa-eskea-ikastolan
Elgoibar Ikastola
Makila hotsak izan ditugu Ikastolan gaurko egunean, neguko lozorrotik lurra esnatzeko urteroko euskal ohiturei eutsiaz. LH 6ko ikasleak izan ditugu kantari Etxagiñak taldeko grabaketa saioan.
haurrak-nerabeak-eta-bideo-jolasak-tailerra
Gaztelekua
Otsailaren 1ean, arratsaldeko 18:30ean, "Haurrak, nerabeak eta bideo jolasak" tailerra egingo da Aita Agirre Kulturguneko Areto Nagusian.
john-andueza-idazlearen-bisita
Elgoibar Ikastola
John Andueza idazle arrasatearra izan dugu gaur ikastolan. DBH 4. mailako ikasleekin izan du solasaldia, Magali ez dago bakarrik bere azken eleberriaren harira.
aurre-matrikulazioa-2022
Elgoibar Ikastola
Aurre-matrikulazioa zabalik urtarrilaren 17tik 28ra.
jose-gurrutxaga-kroseko-omenaldi-bideoa
Elgoibar Ikastola
Azken Batzar Nagusian aurkeztu zuen Elgoibar Ikastolak bi urtez ospatu gabe geratu den Jose Gurrutxaga Krosari buruz ekoitzi duen omenaldi-bideoa. Hemen daukazue ikusgai.
ekintzaz-betetako-neguko-oporraldixa
Gaztelekua
Neguko oporraldian hainbat ekintzaz gozatzeko aukera izan dute Elgoibarko nerabeek.
mera-peak-mendiko-errezetak
Ainhoa Lendinez
Namaste! Himalaiatik bueltan gaude, Euskal Herriko garaiera egokitzen ;-)
zinebiren-63-edizioa-abian
Butaka Gorria
Zinebi, Bilboko Dokumentalen eta Film Laburren Nazioarteko Jaialdia, arratsaldeko 19:30ean hasiko da Arriaga antzokian egingo duten hasiera ekitaldiarekin.
neguko-oporraldia-antolatzeko-asanbladak
Gaztelekua
Neguko oporraldia gerturatzen ari da eta ekintza bereziak egiteko asmoa dugu. Hauen antolaketarako hainbat asanblada egingo dira Gaztelekuan.
agur-seminci-2021
Butaka Gorria
“Last Film Show”, Indiako Pan Nalin zuzendariaren filma izan da garaile Semincin, Valladolideko Nazioarteko Zinemaldian.
asteburuan-haurrentzako-filmak
Butaka Gorria
Azkuna zentroak Donostiako zinemaldiarekin elkarlanean antolatzen dituen emanaldiek berrikuntza dakarte aurten: haurrentzat ere filmak izango dira. Alemaniako bi animazio lan ikusteko aukera izango da: Elfinak eta Dragoiaren gidaria. Larunbatean eta igandean 12:00etan.
as-in-heaven
Butaka Gorria
As in Heaven (Zeruaren legez) filma joan den larunbateko irabazleetako bat izan zen Donostiako zinemaldian. Zuzendari onenaren eta Interpretazio Nagusi Onenaren Zilarrezko Maskorra jaso zituen. Azkuna Zentroak Bilbon ikusteko aukeratu du (gaur 19:30etan) Sail Ofizialeko film hau.
un-monde-playground
Butaka Gorria
Un monde / Playground Laura Wandel zinemagile belgiarraren lehen luzemetraia da. Cannesen lehiatu ostean, Zabaltegi Tabakalera sailean ikusi ahal izan zen Zinemaldian eta gaur Azkuna Zentroan, Bilbon, izango da ikusgai (19:30etan). Urrian iritsiko da ohiko zinema aretoetara.
titane
Butaka Gorria
Titane, Canneseko Zinemaldian film onenaren Urrezko Palmorria jaso zuen filma Donostiako Zinemaldiko Perlak sailaren parte izan da. Azkuna zentroak aukeratako lanetariko bat da eta Bilbon ikusteko aukera izango da gaur.
donostiako-zinemaldia-bilbon
Butaka Gorria
  Donostiako Zinemaldia bukatu bezain laster lanen aukeraketa bat Bilbon ikusteko aukera izaten da eta hala izango da gaurtik eta igandera bitartean.
 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza

Barren.eus Facebooken