barren.eus

barren.eus-logoa

Tokikom

 

 
 

2015 05 07 hitzarmenakabiasanlazaroElgoibarko Udalak eta Gipuzkoako Foru Aldundiak San Lazaro udal egoitza Diputazioari eskualdatzeko hitzarmena sinatu dute gaur goizean, eta honenbestez, beharrezkoa den azken izapidea egin dute Aldundia zentro horren kudeaketaz arduratu dadin. Hitzarmenari esker, urte bukaera baino lehen kudeatuko du egoitza Diputazioak. Sinaketa ekitaldiaren ostean, 26 urteren ostean erretiroa hartuko duen Begoña Mugerza egoitzako zuzendaria omendu dute bi erakundeek.

Gizarte Politikako diputatu Ander Rodríguez, eta Erakunde Publikoetarako zuzendari Pablo García Elgoibarko San Lazaro zahar etxean izan dira gaur Udaleko Alfredo Etxeberria alkaterekin eta egoitza horretako zuzendari den Begoña Mugerzarekin batera, egoitzako egoera bertatik bertara ezagutzeko. Gainera, egoitza bisitatu aurretik, Elgoibarko Udalak eta Gipuzkoako Foru Aldundiak udal egoitza Diputazioari eskualdatzeko hitzarmena sinatu dute udaletxean, eta beharrezkoa den azken izapidea egin dute Aldundia zentro horren kudeaketaz arduratu dadin, 2008ko Gizarte Zerbitzuen Legeak xedatutakoa betez. Elgoibarko egoitza Foru Aldundiaren Kabia erakundearen eskuetan geldituko diren lehen bost egoitzen artean dago, eta hitzarmena sinatu duen lehena izan da. Hitzarmenari esker, urte bukaera baino lehen kudeatuko du egoitza Diputazioak. Gipuzkoako 16 udal egoitzen kudeaketa, aldiz, 2018. urtea baino lehen hartuko du bere gain Aldundiak.

Lan baldintzak "blindatu"

Ander Rodriguez pozik azaldu da eskumenak berrantolatzeko prozesuak daraman bidearekin, horri esker erantzun bat ematen baitzaie udalen aldarrikapenei eta Legeak agindutakoa bete baitaiteke. Gainera, Rodríguezek gogorarazi du Foru Aldundiak blindatu egin dituela zentroetako langileen lan baldintzak, udalekin sinatu beharreko hitzarmenetan klausula bat erantsiz lanpostu guztiei eta lan baldintza guztiei eutsiko zaiela bermatzeko. Era berean, berretsi du ez dela aldaketarik egongo egoiliarrek jasotzen duten zerbitzuaren kalitatean ez eta baldintzetan ere. Elgoibarko San Lazaro egoitzak 35 langile inguru ditu eta 48 egoiliar artatzen ditu.

Kabia, hiru fasetan

Gipuzkoako Foru Aldundiak Kabia izeneko erakunde autonomoa sortu du Gipuzkoako 16 udal egoitza horien kudeaketa bere gain hartzeko, eta prozesua hiru fasetan osatuko da. Aurten bertan, Azkoitia, Elgoibar, Villabona eta Zumaiako egoitzekin hasiko da prozesua, eta gero Lasarte-Oriakoa gehituko zaie. 2016rako Kabia organismoak beste sei egoitza kudeatuko ditu: Andoain, Arrasate, Eibar, Errenteria, Irun eta Pasaiakoak. Bukatzeko, Bergara, Hernani, Oñati, Ordizia eta Tolosako egoitzak pixkanaka pasako dira Foru Aldundiaren eskuetara 2017 eta 2018an. Horrela, Gipuzkoako Batzar Nagusiek onartutako egutegia beteko da, eskumenen eskualdatzea osatzeko 2018. urtea jarri baitzuten epemuga gisa.

• Begoña Mugerzari omenaldia

Datozen hilabeteak, kontratua esleitu artekoak, "trantsizio" hilabeteak izango direla azaldu du Ander Rodriguezek. Epe horretan, gaur egungo kudeatzaileekin elkarlanean arituko dira kudeatzaile berriak. Lan horretan, egoitzako zuzendari den Begoña Mugerza izango dute bidelagun. 26 urte egin ditu Begoñak San Lazaron lanean eta erretiroa hartuko du hilabete gutxi barru. Bere azken lana izango da elkartearen funtzionamenduaren berri ematea aldundiko arduradunei. "Esperientzia handia pilatu du urte hauetan eta oso baliagarria izango zaigu", adierazio du Rodriguezek. Alfredo Etxeberriak ere goraipatu egin du Mugertzak egoitzaren kudeaketan eginiko lana. "San Lazaro egoitza erreferente bat da gainerako zahar etxeentzat, eta Begoña Mugerza da hori horrela izatearen erantzule nagusiena", esan du Etxeberriak. Urte luzez egindako lanaren esker onaren adierazle, oroigarri bat eman diote Mugertzari.

2015 05 07 kabiahitzarmenaudaladiputazioa

2015 05 07 kabiahitzarmenaudaladiputazioa1

2015 05 07 hitzarmenakabia2

2015 05 07 hitzarmenakabiasanlazaro2

Lotura duten albisteak: 

 

Komunitatea

euskal-inauterien-festa-ikastolako-haur-eta-gazteen-eskutik
Elgoibar Ikastola
Ikastolako ikasleek ostiral arratsaldez ospatu dugu urteroko Euskal Inauterien festa. HH, LH eta DBHko haur eta gazteek herria hartu dute txoko guztiak apaindu eta animatu dituen kalejira koloretsuan.    
energia-tailerrak-ikastolan
Elgoibar Ikastola
Agenda 30en aurtengo gaia ENERGIA, BIZITZAREN MOTORRA izanik, ikastolan energiari buruzko tailerrak ditugu egunotan EKO OIZen eskutik.
dbh-4-mailako-gure-ikasleak-laboratoriumen
Elgoibar Ikastola
Gure ikasleak Laboratoriumean izan ziren pasa den astean. Erreportajea prestatu dugu arlo batek bere jardunaren osagarri gisa kanpo eragile bat nola erabiltzen duen ikusteko.
patagonia
Ainhoa Lendinez
🏔️Ni ez naiz Patagonian izan, oraindik. Baina ederra behar du, zinez. Gure zaletasunaren alderik gogorrena ikusten ari gara atzotik.
elgoibar-ikastola-martinika-uharteetan
Elgoibar Ikastola
Elgoibar Ikastolako ordezkaritza bat Martinika uharteetan izan da Erasmus + programaren baitan hiru herrialde desberdinetako beste hainbeste ikastetxerekin jazarpenari buruzko lanketa bateratua eta kulturanitza garatzen.
zinebik-haurrentzako-emanaldiak-antolatu-ditu
Butaka Gorria
Zinebiren (Bilboko Dokumentalen eta film laburren jaialdiaren) 64. edizioak haurrentzat tarte berezia prestatu du: Zinebitxiki.  
el-perdon-film-iraniarra-ongarriren-hurrengo-proposamena
Butaka Gorria
Azaroak 25, Emakumeen Aurkako Indarkeriaren Nazioarteko Egunarekin bat egingo du Ongarri zineklubak aste honetan.
eguzki-plakak-ikastolako-teilatuan
Elgoibar Ikastola
Garapen Jasangarriaren Helburuetan, zazpigarren puntuak energia irisgarria eta ez kutsagarriak aipatzen ditu.
izarok-limoiari-eztia-dokumentala-estreinatu-berri-du-zinebin
Butaka Gorria
Izarok “Limoiari eztia” dokumentala estreinatu zuen atzo Zinebin, Bilboko Dokumental eta film laburren nazioarteko jaialdian. 
elgoibar-ikastola-erasmus-proiektuan
Elgoibar Ikastola
Elgoibar Ikastolak Erasmus+ izeneko Europa mailako proiektuan hartuko du parte.
laburmetraia-eta-luzemetraia-emanaldi-berean
Butaka Gorria
Semincik, Valladolideko Nazioarteko Zinema Asteak, beste zinema-jaialdi batzuekin alderatuz badu berezitasun bat: emanaldi berean, lehenengo laburmetraia bat ikusten duzu eta ondoren, luzemetraia.
abian-da-seminciren-67-edizioa
Butaka Gorria
Paco Leon eta Leonor Watling protagonistatzat dituen “No mires a los ojos” filmak inauguratu du Seminci, Valladolideko Nazioarteko zinema astearen aurtengo edizioa.
red-rocket-filmak-itxiko-du-inaki-agirre-zinemaldia-zikloa
Butaka Gorria
Iaz Donostiako zinemaldiko Perlak atalean izan zen ikusgai filma. 
kepa-junkera-berpiztu
Butaka Gorria
Donostiako zinemaldian gaur aurkeztuko dute Kepa Junkera trikitilariari buruzko dokumentala.  
les-olympiades-paris-distrito-13-ongarriren-hurrengo-proposamena
Butaka Gorria
Parisko Les Olympiades auzora garamatza zuri beltzean errodaturiko filmak.

Elgoibarko Izarra

elgoibarkoizarra-logoa-irudia

 

Gida komertziala

Gida komertziala 2018

Bideoak

Barren astekaria

ePosta harpidetza

Barren.eus Facebooken