Elgoibarko zortzigarren pintxo lehiaketa aurkeztu dute gaur, udaletxean egin duten agerraldian. Elgoibarko 25 tabernek pintxo bereziak prestatuko dituzte hilaren 15etik 18ra egingo duten pintxo lehiaketarako. Aurtengo berrikuntzen artean, pintxoen prezioa igo dutela (1,30 euro pintxo bakoitzak) eta barixakuan beharrean zapatuan amaituko dela.
Iaz baino zazpi taberna gehiagok hartuko dute parte Elgoibarko Udalak antolatzen duen Elgoibarko Pintxo Lehiaketan, 18 izan ziren iaz eta 25 aurten. Gaur ezagutarazi dituzte taberna bakoitzak lehiaketara aurkeztuko duen pintxoa.
- Ikusi hemen: Elgoibarko VIII. Pintxo lehiaketako 25 pintxoak (PDF)
Ekainaren 15etik 18ra dastatu ahal izango dira pintxo horiek, hau da, eguaztenetik zapatura bitartean. Aurreko urteetan barixakuan amaitzen zen lehiaketa, eta zapatuan amaituko da aurten, "tabernarien eskariei erantzunez", jakinaazi dute antolatzaileek. Aipaturiko egunetan, 19:00etatik 22:00etara dastatu ahal izango dira pintxoak honako tabernetan: Gorbea, Larre, Ametsa, Usua, Ibai-Ondo, Iturri, Mahats, Tantaka, Lagun Artea, Gabi, Urkiola, King-Kong, Landa, Karobi, Kaia, Ilunpe, Malape, Txarriduna, Mahala, Pilon, Lanbroa, Lerun, Viento Sur, Salento eta San Roke.
Prezioan ere izan da aldaketarik. Iaz, 1,10 eta 1,20 euroan saldu zituzten pintxoak eta 1,30 euroan salduko dituzte aurten. Pintxo bakoitza nola eginda dagoen jakiteko osagaien hiztegia ere sartu dute Udalak banatuko dituen esku orrietan.
•Euskara bultzatu eta gastronomia suspertu
Ostalaritzan euskararen erabilera bultzatzea eta Elgoibarko gastronomia suspertzea dira lehiaketaren helburuak. Gainera, Udalak uste du egitasmo hau garrantzitsua dela, ostalaritzako establezimenduek beraien sukaldaritza erakusteaz gain, bezero berriak lortzeko.
•Bi sari banatuko dira:
- Elgoibarko pintxo onenaren saria. Epaimahai tekniko batek aukeratuko du pintxo onena zein den. Pintxoaren itxura eta aurkezpena; zaporea eta testura, eta originaltasuna hartuko dituzte kontutan.
- Herritarren saria, berriz, pintxoa dastatzen duen jendearen botoen bitartez aukeratuko da. Botoa eman ahal izateko balorazio-kupoi bat bete beharko dute herritarrek. Gainera, botoa ematen duten guztien artean, sari bat zozketatuko da. (ikus pintxo lehiaketako oinarriak)
Iaz, Tantaka jatetxeko pintxoa saritu zuen epaimahaiak eta Sigmakoa izan zen herritarren gustukoena. Guztira, 6.564 boto-txartel bete zituzten herritarrek.
∞Lotura duten albisteak:
-
Tantaka jatetxeko pintxoa saritu du epaimahaiak eta Sigmakoa izan da herritarren gustukuena (2015-06-24)
-
Gabi jatetxeak irabazi du pintxo lehiaketa eta Sigmak jaso du Herritarren Saria (2014-06-18)
- 32 tabernak parte hartuko dute Elgoibarko pintxo lehiaketan, iaz baino zazpi gehiagok (2014-06-02)
- Uztargik irabazi du Mendaroko pintxo lehiaketa, bigarren urtez jarraian (2014-05-14)
- Txarridunak irabazi du Pintxo lehiaketa, hirugarrengoz (2013-07-05)
- Hasi da pintxo onena aukeratzeko lehia (2013-06-26)
- King-Kong tabernak aurkeztutako 'Udaberriko Bakailaoak' irabazi du pintxo lehiaketa (2012-06-28)
- Pintxo lehiaketa ekuadorrera iritsi da (2012-06-21)
- Hogeita bat tabernak hartuko dute parte laugarren pintxo lehiaketan (2012-06-14)
- Gabi jatetxeko Mozzarella Meteoritoa nagusi hirugarren pintxo lehiaketan (2011-07-06)
- Txarridunak irabazi du bigarren urtez Pintxo lehiaketako sari nagusia (2010-07-02)
- Pintxo onenak 'Paulaner Txarriduna' eta 'Gabi' jatetxeek egin dituzte (2009-07-01)
- Hamabi tabernak parte hartuko dute pintxo lehiaketan (2010-06-17)
- Tabernen arteko II. Pintxo Lehiaketa ekainaren 24an eta 25ean izango da (2010-05-13)
- Arrakastak irentsi du estreinako Pintxo Lehiaketa (2009-07-01)
- Pintxo onenak 'Paulaner Txarriduna' eta 'Gabi' jatetxeek egin dituzte (2009-07-01)
- Pintxoak euro baten truke Gurean Bai I. Pintxo Lehiaketan (2009-06-19)
