barren.eus

barren.eus-logoa

Tokikom

 

 
 

2015 10 14 incognita patagonia monteSarmientorekinTxileko Patagoniako Hoste uhartean esplorazioa, eskalada, bertako glaziarren gaur egungo ezaguera eta kartografia, zein ikerketa historikoa uztartzen dituen proiektua da Incognita Patagonia. Lau lagunek hartuko dute parte espedizioan, tartean Eñaut Izagirre elgoibartarrak. Espedizioak The National Geographic Society elkarte prestigiotsuak eskaintzen duen Young Explorers Grant beka jaso du eta baita Joxe Takolo beka ere.

Eñaut Izagirre eta Ibai Rico euskaldunek, Evan Miles estatubatuarrak eta Rodrigo Bahamondez txiletarrak hartuko dute parte Incognita Patagonia Exploring the last Patagonian Icefield izeneko esplorazio espedizioan. Hego Amerikako hego muturrean (Hoste uhartearen mendebaldeko ertzean) dagoen Cloue izotz-eremua (Antartika salbu, lur planetan hegoalderen dagoen izotz-eremua: 55º10’ H – 69º43’ M) esploratu eta zeharkatzea dute helburu. Izagirreren berbetan, Patagonian oraindik burutu gabe gelditzen den abentura erronka deigarrietako bat da, ezezaguna den eremu zabal baten bihotzean. Izan ere, munduko leku bakartuenetakoa eta ezezagunenetakoa da. Inork zapaldu gabeko glaziarrak zapalduko dituzte, eta inork igo gabeko mendiak igo. Egindako neurketa eta hartutako datuekin, eskualdeko “kalitate oneko” mapa bat osatu nahi dute. 2016ko martxoa eta apirila bitartean egin asmo dute, eta aurreikusten dute 40 egun inguruko espedizioa izango dela.

Hoste uhartera iristeko belaontzian egingo dute gerturaketa, mendebaldeko kostaldean “kanpaleku nagusi seguru eta egonkor” bat jarrita. Ondoren, talde batek izotz-eremua zeharkatzeari eta eskaladari ekiten dion bitartean, besteak penintsula hau zizelkatzen duten fiordo eta glaziar aurrealdeen esplorazioa abiatuko du kayaken laguntzarekin.

2015 10 14 incognita patagonia MarinelliFiordoan kayak

• Young Explorers Grant beka
Bi beka garrantzitsu jaso ditu Incognita Patagonia espedizioak. Batetik, The National Geographic Society elkarte prestigiotsuak esploratzaile gazteei laguntzeko eskaintzen duen Young Explorers Grants beka jaso dute. Bekari esker jasoko duten diru laguntzaz gainera (5.000 dolar), oihartzun mediatiko handia izan dezaketela uste dute espedizio kideek, National Geographic Society bezalako elkarte ezagun batek eskainiko dien babes eta laguntzagatik. “Alde batetik, multimedia material gehiena elkarte honek dituen hedabide ezberdinen eskuetan utziko dugu, kalitate oneko eta balio jakin batzuekin lotutako materiala osatuz. Bestetik, Bilboko Mendi Film Festival ospetsuarekin elkarlanean arituko gara gure proiektua bultzatu eta Festibalari euskal kutsuko jarduerak eskainiz. Azkenik, kirol jardueraz gain zientzia ere egingo dugunez, entitate akademiko eta zientifikoekin ere izango dugu harremana, hitzaldiak eman eta proiektu berriak aurrera ateratzeko aukerak zabaltzeko asmotan”.

2014 urteko Joxe Takolo beka ere jaso du espedizioak. 3.000 euroko diru laguntza ematen dute Azpeitiko Udalak, Gipuzkoako Foru Aldundiak, Euskal Herriko Mendi Federazioak eta Azpeitiko Lagun Onak Mendi Bazkunak. 2001ean hasi ziren beka ematen, mendiarekin zerikusia duten proiektuak laguntzeko. Incognita Patagonia espedizioak 25.000 dolar amerikar inguruko aurrekontua izango du osotara.

 

2015 10 13 eautizagirreEñaut Izagirre Estibaritz (Elgoibar, 1990): Txikitatik etxeko mendizaletasunean hezi ostean, azken urteetan mendi-eskian ere aritu da sarri Pirinioeetako, Alpeetako eta Norvegiako mendietan. EHUn Geografian lizentziatu eta gero, azken bi urteetan Punta Arenas (Patagonia txiletarra) izan du bizileku. Han, Glaziologiako Master bat ikasteaz gain, Magallanesko Unibertsitatean lanean aritu da. Dozena bat espedizio egin ditu, kayak, belaontzi eta glaziar ekintzetan parte hartuz, Patagoniako fiordo eta mendietan zehar, batez ere, Darwin Mendikatean. 2015eko Apirilean igo gabeko gailur bat egin zuen bere espedizio-kideekin batera Marinelli glaziar handian ikerketa zientifikoak egiten ari zirela.

Pirinioetako glaziarrak ikertzen
Patagoniako espedizioa prestatzeaz gainera, Pirinioetako glaziarrak ikertzen ere badihardu Eñaut Izagirrek, CSICeren parte den Instituto Pirenaico de Ecologia (IPE) eta EHUko ikerlari den Ibai Ricorekin batera. Joan den irailean, esaterako, neurketak egiten aritu ziren Monte Perdido mendiko glaziarretan. Glaziarrei eskanerrak, radarrak eta izotz gaineko neurketak egiten dizkiete, aldaketarik izan den ikusteko. Datu horiekin, glaziar horiek hobeto ulertzen dituzte, eta ikusten dute glaziarrak nolako erantzuna ematen ari zaizkion klima aldaketari.

 2015 10 13 eautizagirre monteperdido

2015 10 14 incognita patagonia monte perdidoko glaziarra

2015 10 14 incognita patagonia MarinelliGlaziarrarekin

2015 10 14 incognita patagonia darwin mendikatean

2015 10 13 eautizagirre incognita patagonia

2015 10 13 eautizagirre incognita patagonia hoste

Komunitatea

euskal-inauterien-festa-ikastolako-haur-eta-gazteen-eskutik
Elgoibar Ikastola
Ikastolako ikasleek ostiral arratsaldez ospatu dugu urteroko Euskal Inauterien festa. HH, LH eta DBHko haur eta gazteek herria hartu dute txoko guztiak apaindu eta animatu dituen kalejira koloretsuan.    
energia-tailerrak-ikastolan
Elgoibar Ikastola
Agenda 30en aurtengo gaia ENERGIA, BIZITZAREN MOTORRA izanik, ikastolan energiari buruzko tailerrak ditugu egunotan EKO OIZen eskutik.
dbh-4-mailako-gure-ikasleak-laboratoriumen
Elgoibar Ikastola
Gure ikasleak Laboratoriumean izan ziren pasa den astean. Erreportajea prestatu dugu arlo batek bere jardunaren osagarri gisa kanpo eragile bat nola erabiltzen duen ikusteko.
patagonia
Ainhoa Lendinez
🏔️Ni ez naiz Patagonian izan, oraindik. Baina ederra behar du, zinez. Gure zaletasunaren alderik gogorrena ikusten ari gara atzotik.
elgoibar-ikastola-martinika-uharteetan
Elgoibar Ikastola
Elgoibar Ikastolako ordezkaritza bat Martinika uharteetan izan da Erasmus + programaren baitan hiru herrialde desberdinetako beste hainbeste ikastetxerekin jazarpenari buruzko lanketa bateratua eta kulturanitza garatzen.
zinebik-haurrentzako-emanaldiak-antolatu-ditu
Butaka Gorria
Zinebiren (Bilboko Dokumentalen eta film laburren jaialdiaren) 64. edizioak haurrentzat tarte berezia prestatu du: Zinebitxiki.  
el-perdon-film-iraniarra-ongarriren-hurrengo-proposamena
Butaka Gorria
Azaroak 25, Emakumeen Aurkako Indarkeriaren Nazioarteko Egunarekin bat egingo du Ongarri zineklubak aste honetan.
eguzki-plakak-ikastolako-teilatuan
Elgoibar Ikastola
Garapen Jasangarriaren Helburuetan, zazpigarren puntuak energia irisgarria eta ez kutsagarriak aipatzen ditu.
izarok-limoiari-eztia-dokumentala-estreinatu-berri-du-zinebin
Butaka Gorria
Izarok “Limoiari eztia” dokumentala estreinatu zuen atzo Zinebin, Bilboko Dokumental eta film laburren nazioarteko jaialdian. 
elgoibar-ikastola-erasmus-proiektuan
Elgoibar Ikastola
Elgoibar Ikastolak Erasmus+ izeneko Europa mailako proiektuan hartuko du parte.
laburmetraia-eta-luzemetraia-emanaldi-berean
Butaka Gorria
Semincik, Valladolideko Nazioarteko Zinema Asteak, beste zinema-jaialdi batzuekin alderatuz badu berezitasun bat: emanaldi berean, lehenengo laburmetraia bat ikusten duzu eta ondoren, luzemetraia.
abian-da-seminciren-67-edizioa
Butaka Gorria
Paco Leon eta Leonor Watling protagonistatzat dituen “No mires a los ojos” filmak inauguratu du Seminci, Valladolideko Nazioarteko zinema astearen aurtengo edizioa.
red-rocket-filmak-itxiko-du-inaki-agirre-zinemaldia-zikloa
Butaka Gorria
Iaz Donostiako zinemaldiko Perlak atalean izan zen ikusgai filma. 
kepa-junkera-berpiztu
Butaka Gorria
Donostiako zinemaldian gaur aurkeztuko dute Kepa Junkera trikitilariari buruzko dokumentala.  
les-olympiades-paris-distrito-13-ongarriren-hurrengo-proposamena
Butaka Gorria
Parisko Les Olympiades auzora garamatza zuri beltzean errodaturiko filmak.

Elgoibarko Izarra

elgoibarkoizarra-logoa-irudia

 

Gida komertziala

Gida komertziala 2018

Bideoak

Barren astekaria

ePosta harpidetza

Barren.eus Facebooken