Eguraldia lagun, festa giroan eta umorez aldarrikatu zuten atzo, milaka herritarrek, euskal herritarron erabakitzeko eskubidea. Elgoibarko Gure Esku Dago dinamikako taldeak 640 metro saldu zituen eta 420 lagun inguru joan ziren taldeak antolatutako zazpi autobusetan. Halere, egon zen bere kasa autoz, bizikletaz edo oinez joan zen elgoibartarrik ere. Elgoibartarrek 32. kilometroa bete behar zuten soraluzetarrekin batera, Bergaran.
Mendarok, berriz, 33. kilometroa bete behar zuen Deba eta Mutrikurekin batera, eta aise lortu zuten helburua. 240 metro saldu zituen Mendaroko taldeak eta 240 lagun mobilizatu zituzten lau autobusetan. Mendaroarrak, gainera, giza-probetako taldearekin joan ziren. Elgoibarko trikitilariak ere aritu ziren giroa alaitzen. Etenik gabe jardun zuten atzera eta aurrera elgoibartarrak eta mendaroarrak zeuden kilometroetan.
•ARGAZKI BILDUMA: