Azer Mirzoev irabazle Nazioarteko Xake Txapelketan

elgoibarren.net 2006ko abe. 18a, 10:08
 
Azer Mirzoev, Azerbaijaneko xakelariak irabazi du XVI. Elgoibarko Nazioarteko Xake txapelketa. Txapelketa 5 alditan irabazi duen Oleg Korneev errusiarra sailkatu da 2. postuan eta Ivan Salgado, 15 urteko xakelari galiziarra 3. postuan.



  Domekan amaitu zen Nazioarteko Xake Txapelketan emozioa izan zen amaierara arte. Mirzoev-ek txapela buru gainean zuela zirudien, baina Oleg Korneev errusiarrak estu hartu zuen azken partidetan.
Bost aldiz garaipena lortu duen errusiarra zen aurten ere irabazteko faborito nagusia, baina pattal hasi zuen txapelketa, lehen 3 partidak berdintzea besterik ez baitzuen lortu. Gerora, ordea, bere benetako maila erakutsi eta irabazlearengandik puntu erdi eskasera sailkatzea lortu zuen. Mirzoev, hala ere, xakelaririk erregularrena izan da.

Argazkilaria Angel 'Sakatxa'

•Mirzoev, urtetik urtera hobetuz
Iazko postuak trukatu dituzte bi Maisu Handiek. Iaz errusiarrak atera zion puntu erdiko aldea azeriarrari. Mirzoev urtetik urtera hobetuz joan da: 2004an, Ivan Cheparinov bulgariar gazteak irabazi zuen urtean, 3. postuan sailkatu zen, aipaturiko 2. postuan iaz eta aurtengo gaipenarekin progresioa osatu du. 1.412 euroko diru saria eta garaikurrak eskuratu zituen irabazleak eta 1.111 euro 2. sailkatuak.

•Tatiana 9. postuan

1706641974506 Azer Mirzoev irabazle Nazioarteko Xake Txapelketan

1706641974541 Azer Mirzoev irabazle Nazioarteko Xake Txapelketan

Tatiana Kononenko ukraniarraren parte hartzea izan da aurtengo nobedade nagusienetakoa, 1993. urtetik hona ez baitzuen emakume batek parte hartzen. Urte hartan Malina Nikoara frantziarrak azken postuan amaitu zuen. Kononenko, berriz, 9. postuan sailkatu da.
 
•15 urte eta etorkizun handia
Ivan Salgado galiziarrak eman du txapelketako ezustekorik handiena. 15 urte besterik ez dituen arren, 3. postuan sailkatzea lortu du eta etorkizuna berea izan daitekeela erakutsi. Duela urte batzuk ere Vesselin Topalov izeneko bulgariar gazte bat pasa zen Elgoibarko txapelketatik eta egun Munduko xakelaririk onena da.

1706641974599 Azer Mirzoev irabazle Nazioarteko Xake Txapelketan

1706641974634 Azer Mirzoev irabazle Nazioarteko Xake Txapelketan
 
Sailkapena:
▫  GM- 2543 AZE 1. Azer Mirzoev 7
▫  GM-2657 RUS 2. Oleg Korneev 6,5
▫  MI-2425 ESP 3. Ivan Salgado 6
▫  MI-2496 ESP 4. Manuel Pérez Candelario 4,5
▫  MI-2357 EUS 5. Santi González 4
▫  GM- 2486 EUS 6. Mario Gómez 4
▫  MI -2396 EUS 7. Iñigo Argandoña 4
▫  MI-2446 SUI 8. Claude Landerbergue 3,5
▫  WGM-2375 UKR 9. Tatiana Kononenko 3
▫  GM- 2516 FRA 10. Eric Prie 3
 
• Informazio gehiago:
- Euskal Xake Federakuntza (Sailkapenak, partidak, e.a) 

 
Kirola Elgoibar